وتمشي مشوارك خطاي
ابقي اسعد ذول وحاتك....
لو تكوني دوام معاي
وماني بشكي تعب دروبك....
لو تعدى خطاك مداي
لأنو آخر السكة مرسى....
وغيمه بتظلل سماي
ولأني عارف بلقا عندك....
كل حاجه تشيل أساي
أقيف أشوف الطيف حقيقة....
اترك الآلام وراي
استكين في ظل عواطفك....
اقولو فيك مسدار هواي
كل آهة مكانها غنوه....
تبتسم زهرة صباي
ويا سلام لو أبقى قربك....
انسي كل أيام شقاي
♥♥♥♥♥♥♥♥♥♥♥♥♥♥♥
إلا خايف يا مناي..
لما ارحل لي زمانك...
تتبدد أحلامي المعاي
ألقى سهم الريده صابك...
ووهابتي قلبك لي سواي
وتخيب ظنوني العشتها...
أبقي في الآخر براي
اجني زرع الريد صدودك...
ينقطع عشمي ورجاي
وماني بقدر اقيف قصادك ...
مهما كنت سبب ازاى
لأنو روحك يا وريفه...
ريدا سابح في دماي
وما فيََ غير أتمني تسعد...
القي في فرحك هناي
وانظم قصايد ارثي حبك...
لو القي الأبيات عزاي
ويا سلام لو أبقى حلمك...
ويبقي ريدك لي جزآي
ابقي جنبك...
وتمشي مشوارك خطاي...
ويا ســــــــــــــــــــلام
شعر : صلاح احمد قمر الدين
Wadaljed2008@gmail.comE-mail:
Tel :0914428019
ليست هناك تعليقات:
إرسال تعليق