ومن اتحرك البص النعاس حاصرني
لا جاني الملل لا توب جفاه عصرني
قسم بالله في الكرسي الحنين مصرني
قطع كبدي قام من الطوال قصرني
وقاصدنا الابيض وقلبي دوبل وفحة
والباص بحت الاسفلت لمن وحة
شوقك كردفان لهابتو ما منشحة
فوتناك يا ام زبرجد وصابنا مرض الاحة
ودمعي فيك سرح فوق عنقريب هبابك
البادية المزرقنة ديس هشابك شابك
مجلية البطون ما لقينا شيتن شابك
الريد في الضلوع ما بثبتنو مشابك
قبال الخوي غرب التبلدي النيل
الباص اتسحر من البحت اتميل
لاحنلي الجباريك واللتيب الشيل
الحكامة حاضرة الجيدها ديمة متيل
اتحركنا والهرع اب عجاج سابقنو
لاقانا الفزع والليل مخيم جنو
عشانا البكفي الضيف كمان لكنو
كان عكت قسم مافي البلاحق جنو
ليست هناك تعليقات:
إرسال تعليق